أيمن بهجت قمر لـ”إيناس عز الدين”: “بحملك الأذى اللي سببتيهولنا”
فاجأ الشاعر أيمن بهجت قمر، جمهوره، بإعلانه الهجوم على المطربة إيناس عز الدين، التي أعلنت مؤخرًا إصابتها بفيروس كورونا المستجد، ودخلت مستشفى حميات إمبابة، إلا أن نتيجة تحليلها ظهرت صباح اليوم وأثبتت سلبيتها، وهو مادفع الجمهور للهجوم عليها.
وقال قمر فى فى تدوينة عبر حسابه الرسمي على موقع فيس بوك: “أنا ماليش علاقة أن المطربة الجديدة إيناس صورت برص في المستشفى هي حرة وده طبعا شيء محدش يقبله، أنا ما ليش علاقة بارائها السياسية أو اللي بتكتبه على صفحتها”.
وأضاف بهجت قائلاً : “لكن أنا اللي أذاني نفسيا أنها عيشتني في خوف على أسرتي حالة رعب لأنها عندي على الصفحة هنا، وكم البوستات والفيديوهات الكتير اللي أقرت فيهم بإصابتها بالمرض وكم الدعاء ليها من الناس الطيبين، وكلمات المواساة، وهي ما أنكرتش ده وما قالتش أنه إشتباه ولما المواقع كتبت أول فنانه تصاب بالكورونا مانفتش وأنا عيشت بجد ليله صعبة لاني حسيت أن المرض ابتدى يدخل دايرة المحيطين بيا”.
وتابع : “تاني يوم الصبح ابتدى صحابها يكتبوا إن التحاليل أثبتت أنها مريضه بالكورونا، وشفتوا إزاي ظلمتوها وهي برضه ما انكرتش وقتها كانت التحاليل لسه ما طلعتش.. لازم وقفه مع أي حد بيلعب بأعصابنا والله أعلم هي عملت كده ليه لو هتقوللي عندها أعراض أنا خدت نظرة سريعة على بعض فيديوهاتها ولقيتها ممكن تكون مزكمة عندها كحة، لكن كم الفيديوهات اللي عملتها والبوستات الطويله مش بتاعة حد عنده ضيق تنفس وصداع حاد لدرجة شكوكه في الكورونا”.
وأختتم أيمن : “كان ممكن تطلع تقول أنا شاكه أبعتولي حد.. ننتقد إن الرقم مثلا ما بيردش.. أما عن تسييس الامر فبجملت ! إيناس انا بحملك كل الأذى النفسي اللي سببتيهولنا والتوتر اللي عيشتينا فيه ولازم وقفه مع أي حد يطلع يستغل الظروف والتعب النفسي اللي احنا فيه ده.. وبأمانه اللي انتي عملتيه لا بينجح ولا بيشهر.. دي تصرفات بتاخد وقتها وبتتنسي كان أبرك تعمليها أغنية انا عندي كورونا بدل ما تطلعي …….. كانت هتبقى أشرف وهتفيدك أكتر .. إخص بجد”.
