قصة مرض ابن مها أحمد ومجدي كامل

 

“أنا بكتب الكلام ده وأنا إيدي بتترعش وفعلا تعبان ومش قادر ومش عارف أنا عندي إيه ومش عارف اتكلم مع حد علشان مش عايز أخلي حد يشيل همي” .. كلمات مؤثرة اعترف بها عادل نجل مها أحمد ومجدي كامل ، ليقرر الخروج عن صمته والحديث عما يدور بقلبه وعقله وما يعانيه من مرض نادر ومشكلة صحية ونفسية.

عادل مجدي كامل نجل مها أحمد فاجأ الجميع وحتى والديه بهذا المنشور الذي كان السبب وراء تصدر مها أحمد وابنها وزوجها تريند مؤشر البحث جوجل خلال الساعات الماضية، وكذلك مواقع التواصل الاجتماعي، بعدما أعلن أنه مصاب بمرض نادر ولا يستجيب للعلاج.

القصة بدأت بمنشور عادل مجدي كامل منذ ثلاثة أيام على حسابه على إنستجرام، حيث نشر صورة له بجوار الكعبة، وكتب عليها منشور طويل يروي فيه حالته الصحية وحجم المعاناة التي يعانيها الأربعة أشهر الماضية.

 

عادل يعترف بحالته الصحية

كتب عادل مجدي كامل :” انا بكتب الكلام ده و انا ايدي بتترعش و فعلا تعبان و مش قادر و مش عارف انا عندي ايه و مش عارف اتكلم مع حد علشان مش عايز اخلي حد يشيل همي ، بس انا هكتب الكلام اللي عايز اكتبه ده علشان انا مش عارف اللي جاي ايه ولا هيحصل إيه”.

وتابع :”  أنا حياتي بايظه بقالها أربع شهور من يوم ١٥-٦ لحد انهاردة ١٥-١٠ ، الأربع شهور دول أوحش أربع شهور عدوا عليا في حياتي من يوم ما جيت الدنيا علشان حصلي فيهم حاجات وجعتني وتعبتني وأثرت علي نفسيتي، أولهم كان أول حب في حياتي عاش لمدة سنة ونص وكان نهايته يوم ١٥-٦ ، بعدها كان وفاة حفناوي صاحبي وأخويا يمكن مكناش قريبين من بعض بس مجرد مبنتكلم مع بعض أو بنشوف بعض بيبقي اكننا نعرف بعض من الحضانة، وكان في ذكريات حلوة أووي لينا مع بعض، بعدها أمي كانت هتموت في حادثة عربية والحمد الله ربنا سترها وعدت على خير، بعدها البيت بتاعنا لما غرق كله ولحد دلوقتي منعرفش غرق إزاي ولا إيه اللي حصل بس الحمد الله علي كل شئ ولحد دلوقتي البيت لسه بايظ “.

واستكمل ابن مها أحمد :”  وآخرهم بقى وده لسه من ٣ أيام إني تعبت جدا فجأة وتعبت تعب مش عادي ومش عارف أنا عندي إيه، ولا الدكاتره عارفين أنا عندي إيه ، خدت جميع الأدوية وخدت حقن وبنام كويس وباكل كويس وبعمل كل حاجة وبرضه مفيش أي تحسن، انا بكتب الكلام ده دلوقتي وأنا مش حابب كده خالص ولا كنت عايز أعمل كده بس عملت كده وكتبت كده وهنزله علشان أنا بجد خايف من اللي جاي ومش عارف إيه اللي ممكن يحصل، فعلشان لو حصل حاجة أكون كتبت كل اللي جوايه، وأكون ارتحت اني عملت كده”.

واختتم حديثه قائلا :” و علشان برضه تكونوا عارفين أن الضحك والهزار والخروج والاستوريز مش دي الحياة الحقيقية، الحياة الحقيقية هي اللي أنا حكتها دلوقتي، محدش يعرف أنت حياتك عاملة إزاي، ولا إيه اللي بيحصل فيها، ولا جواك ايه كله شايفك في صور وفيديوهات مش حقيقية، المهم ربنا يستر في اللي جاي ويعدي على خير إن شاء الله علشان المرة دي أنا بجد حسيت بالموت، فلو عدت علي خير حياة الواحد هتتغير تمامًا في كل حاجة حتى في الصور والفيديوهات، آسف أني طولت عليكوا ، يارب انت الشافي المعافي”.

 

مها أحمد تنهار

ساعات قليلة مرت على منشور عادل مجدي كامل، وتحدثت مها أحمد عن القصة في مداخلة هاتفية مع الإعلامي وائل الإبراشي على القناة الأولى، لتروي ما حدث لابنها، لكنها انهارت في البكاء بسبب حالة ابنها الصحية التي يجدون صعوبة في علاجها.

قالت مها أحمد في حديثها لوائل الإبراشي إنها فوجئت هي و زوجها مجدي كامل بمنشور ابنهما عادل على أنستجرام ، وقالت إنها في الغرفة المجاورة لغرفة نجلها في المنزل، وتتابعه جيدا في العلاج وفي كل شيء، كما أنها تشعر بكل ما يمر به لأنها مرت أيضا بنفس الأعراض، وهي نفس الرعشة وعدم القدرة على الكتابة والأعصاب المهتزة، لافتة إلى أنه في الفترة الأخيرة شهدت هي وزوجها الفنان مجدي كامل وأبنائها الكثير من الأشياء الغريبة .

 

الحسد السبب

كما أضافت مها أحمد  أن نجلها عادل شاب رياضي، وفجأة وجد الدنيا اتقلبت 180 درجة عليه، وأنها وزوجها صدما مما كتبه في منشور “إنستجرام”، خاصة أنه ليس من الناس الذين يشتكون، ثم فوجئا بعدها بصراخه بالمنزل ويخبرهما أنه غير قادر على الوقوف على قدميه، ولا يستجيب للأدوية.

وأكدت مها أحمد أنها تخشى احتضان ابنها عادل منذ بداية تفشي فيروس كورونا نظرًا لضعف مناعته وخوفها عليه من أي عدوى، واختتمت حديثها لوائل الإبراشي، مؤكدة أن ” الحسد ” هو السبب فيما تعانيه هي وأٍرتها من أحداث مؤخرًا .