لقاء الخميسي تعلن تأييدها لإلغاء خانة الديانة

 

أعلنت الفنانة لقاء الخميسي تأدييدها لفكرة إلغاء خانة الديانة من البطاقة الشخصية في مصر.

وعبر خاصية القصص المصورة في حسابها على Instagram، قالت الخميسي ” “رسائل كتير وأسئلة عن إيه مضايقك في خانة الديانة، أحب أرد على أصدقائي وأقولهم إيه أهمية خانة الديانة؟.. البطاقة الشخصية عشان نعرف اسم حضرتك وميلادك لأي مصالح حكومية أو أي ظرف أمني مالهوش علاقة بديانة حضرتك”.

وأضافت لقاء الخميسي “الديانة تخصك أنت لوحدك ما تخصش شخص آخر الديانة وعلاقة الإنسان بربه ومعتقداته أمور شخصية جدا ومش عامة معرفتك بديانة الآخر لا هتزود ولا هتنقص.. مطلوب منك تتعامل بإنسانية فقط مع أي شخص أيا كانت ديانته”.

من ناحية أخرى ردت لقاء الخميسي على أحد متابعيها المهاجمين لرأيها وقالت “فين المشكلة لو بني آدم اتدفن ومالوش مقبرة يتدفن في مقابر المسلمين!!، احنا في مصر اللي بلد الحضارات وبداية المعتقدات الدينية، إيه علاقة السفر بالديانة، مين اللي اتنازل عم الدين مش فاهمه وهما مين الكل؟.

وأضافت “إيه علاقة الدين بالفخر والعزة الدين يخص علاقتك بربك مالوش علاقة بالناس علشان تفتخحر أمامهم، آه في معتقدات كتير زي المجوسية والبوذية والزرداشتية وأكتر بكتير مما تتصور وكلها تستحق الاحخترام واللي مؤمن بيها يستحق الاحترام علشان حضرتك لازم تعامله بإنسانية مش بديانته إيه ومعتقده غيه، أخيرًا حضرتك احنا مش مستنيين شهرة احنا بنحاول ندعم الأفاكر الإيجابية علشان نبقى متحضرين ومصر تبقى في مصاف الدول العظمى»

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى