زينة تعظ..يابنات بلاش الفساتين المفتوحة قوي..فتحة صغيرة كفاية وكل الناس ح تبص عليها

وجهت الفنانة زينة بعض النصائح للفتيات في اختيار ملابسهن خاصة ملابس السهرة، وذلك خلال لقائها في برنامج “الراديو بيضحك” من تقديم فاطمة مصطفى عبر إذاعة “الراديو 9090”.

وقالت زينة: “ممكن تشوفي واحدة لابسة فستان حلو أوي بس تقفي قدامه وتقولي مينفعش ألبسه، وحتى لو في حاجة قصيرة تبقى قصيرة بس مش مفتوحة من فوق”.

وتابعت زينة موجهة نصائحها للفتيات: “بقول للبنات اهدوا شوية حتى اللبس المفتوح لو عايزة تلبسي فستان سواريه إهدي وأنتي بتلبسي لو طلعنا كل حاجة في نفس الوقت هتبقى كل حاجة رخيصة مش حلوة لكن لو مثلا لبستي فستان طويل ليه فتحة هتبقى الحتة دي حلوة أوي وكل الناس هتبص عليها، اهدوا متأفوروش خليكوا طبيعيين، أنا حبيتوني لأني طبيعية لأني زيكم وبلبس شبهكم وينفع تلبسوا زيي سهلة التقليد”.

واستعادت زينة خلال اللقاء موقف محرج تعرضت له بسبب قطع في فستانها والتقاط صورا لها دون أن تدري قائلة: “أنا مرة اتحطيت في موقف بايخ أوي الفستان بتاعي اتقطع وأنا مش عارفة، وفيديوهات وصور انتشرت، مكنتش عايزة أشوفها أولا مش عايزة أخد ذنوب الناس اللي هتتفرج، والله ما كان قصدي أنا واحدة مش بتلبس كدة ولو حصل كدة المفروض تقدروا وتقولوا زينة مش بتلبس كده ومتعملش كده بتبقى حادثة مش العادي أنا مش بحب الحاجات دي”.