كالمعتاد «فيفي عبده» تثير الجدل في رمضان.. و”الزواج العرفي والكفن” أبرزهم
أثارت تصريحات الفنانة فيفي عبده الجدل، على مواقع التواصل الاجتماعي، خلال ظهورها في برنامج “حبر سري” مع الإعلامية أسما إبراهيم على قناة القاهرة والناس.
وإليكم أبرز تصريحاتها المثيرة للجدل:
أعترف بالجواز العرفي لأني مخليش الراجل يلمسني إلا لما يتجوزني وأعتبرها فترة خطوبة وبعدين أكتب كتاب رسمي، وكل اللي اتجوزتهم محترمين وحظي كان كويس.
ليس لدي مانع في زواج أي شخص حتى لو كان كبير في السن، وان على الجمهور تقبل هذه الفكرة لأن كل شخص يحتاج إلى ونس في حياته.
إذا كنت غير متزوجة كنت هتجوز، خاصة أن بيتقدم ليا عرسان كتير والتعليقات على الصور والفيديوهات مليئة بالأشخاص الذين يريدون الزواج مني، ولكن الآن أنا متزوجة.
مقدرش أكون زوجة تانية ولو هو متجوز أنا مشوفهاش ولا أعرفها ولا عايزة أعرف حاجة.
أنا مش بدور على الراجل ولكن هو اللي بيدور عليا.. ومتسمعنيش أي مشكلة لحد ولا عايزة أعرف غير إنك رجلي وجوزي.
أرفض دخول حفيدتي مجال الرقص لأن زمان كان هناك احترام والرقص الشرقي كان له جمهور ولكن الآن أصبح الهجوم عليهم فقط
الانسان هو الذي يعمل ويحصل على الفلوس وليس العكس،والقرش احنا اللي بنجيبه مش هو اللي بيجيبنا وصحتنا أهم حاجة.
أنا كل سنة بشتري كفني من السعودية وبعدين اطلعه صدقة ومش كاتبه وصية وسيباها على الله وأولادي عندهم قناعة بالرزق ورأي اللي يموت ميسبش حاجة ويصرف لآخر مليم.
الناس عماله تفلسع ولازم افكر في التربة.. وفجأة تلاقي الناس كتير بتموت وكل أسرة فيها ناس تموت، وفي وقت كورونا قعدت سنتين مشوفش حد خالص وأول خروجة خرجتها رجعت مصابة، ودي من ضمن الحاجات السودة اللى مريت بيها وفضلت معزولة ولا حسه بحاجة.
