منى فاروق: الحياة ظالمة.. أبوس إيديكم عاوزة أشتغل
أعلنت الفنانة منى فاروق اعتزالها مجال التمثيل، مشيرة إلى أن قرارها جاء بسبب عدم وجود تقدير لشخصها وموهبتها.
وكتبت فاروق عبر ستوري على “إنستجرام”: “تعبت وأشعر بعدم التقدير لشخصي ولموهبتي، ولم أعتد البقاء في مكان ومع أشخاص لا تقدرني، تعبت، لذلك أعتزل”.
وقالت منى فاروق في ستوري أخرى إنها ستأخذ “إجازة مفتوحة” من السوشيال ميديا، نظرًا لرغبتها في البقاء وحدها، معلقة: “إجازة مفتوحة من السوشيال ميديا، مش هكون موجودة، مش عاوزة حاجة من حد، ولا حد يعوز مني حاجة، واللي زمان أنا عيشته لغيري أنا دلوقتي هعيشه لنفسي”.
منى فاروق: الحياة ظالمة.. أبوس إيديكم عاوزة أشتغل
ووصفت الحياة بالظالمة: “محتاجة أكون نفسي، محتاجة لسلام نفسي، اللي بيحبوني شكرا وكتر خيركم، واللي مبيحبونيش شيلوني من حساباتكم، لحد ما أقدر أواجه الحياة الظالمة دي تاني، سلام، اعتزل ما يؤذيك”.
وأضافت منى فاروق: أنا بسمع بودني لا بلاش منى عشان الفيلم والدعاية متضرش الفيلم أو المسلسل.. ليه يا ربي أنا بقيت منبوذة من كل الناس أنا مش طالبة غير اشتغل في الحاجة اللي بحبها عشان أعرف أعيش.. المجتمع حاططني في المكان الوحش بس مش يمكن عاوزة أبقى كويسة زي أي واحدة ليه بتقفلوه قدامي في كل حاجة.. عشان كده أنا بناشد الدكتور أشرف زكي والأستاذ أشرف عبد الباقي وشركات الإنتاج محتاجة الشغل.. عاوزة أعرف أعيش ولما قولت قرار اعتزال من أجل لو حد شافني بشتغلي في محل لبس أو أي شغل ميقولش إيه ده.. والله مش طالبة غير أشتغل.. أبوس إيديكم عاوزة أشتغل.
