menuالرئيسية

أحمد سعد يضرب شابًا بـ القلم في محطة بنزين

 

نشرت إحدى رواد موقع التواصل الإجتماعي فيسبوك، صورة داخل محطة بنزين، ظهر فيها الفنان أحمد سعد، يقوم بالتشاجر مع شاب، في ظل قيام رجلين بتهدئته.

وكشفت الفتاة، عن تفاصيل الواقعة، بحسب قولها: «النهارده كنت في بنزينة إمارات مصر جنب داون تاون و شوفت شاب صغير .. في العشرينات كان معدّي من ورا عربية BMW x5/6 بيضة و العربية كانت بترجع بسرعة وكانت هاتخبط الولد، فا الولد كرد فعل طبيعي قاله “خلي بالك وانت راجع يا حبيبي”».

وتابعت الفتاة: «اتضح إن اللي كان راكب العربية الفنان “البلطجي” أحمد سعد راح عليه وقاله “بتكلم مين كده يلا؟” فا الولد رد عليه قاله “يلا؟ بكلمك انت” وطبعاً الكلام ماجاش على هوا ولا على كرامة احمد سعد اللي ضرب الولد بالقلم قدام أمه وأخته والناس كلها في البنزينة ووقعه عالأرض قدام عربيتي بالظبط و قطعله تيشرته، وكرد فعل طبيعي مني أنا وأختي حاولنا نوقفه بالكلام فا رد علينا بشتايم قذرة جداً وابتسملنا ومشي بالعربية».

واختتمت شاهدة العيان على الواقعة، كلام منشورها، قائلة: «الموقف ده بينلي قد إيه إحنا بندي قيمة لأشخاص ماتستاهلش وبنسيبهم يعيشوا وسطينا عادي جداً».

ads

حالة الطقس

booked.net

أسعار العملات

استطلاع رأي

عذرا، لا توجد استطلاعات متاحة في الوقت الراهن.