قبل ماتخطب اسأل على أهلها في الحتة وأوعي تنسى تسأل مندوب جوميا.. رواد السوشيال ميديا يسخرون من رانية ومندوبها
لاحديث للناس إلا عن مندوب الشحن الذي رفض توصيل فستان قصير لإحدى السيدات، وقد تعرض المندوب لسخرية رواد السوشيال ميديا الذين اتهموه بالتطرف وبإنه مش شايف شغله صح.
وعلق أحدهم قائلا:الواحد بعد كده لما ييجي يخطب يسأل على اهلها في الحتة .. ويسأل عليها مندوب جوميا
وكتبت إحدى الفتيات ساخرة: لبسك دا يا هانم إن دل على شيئ ميدلش غير أن مندوب الشحن بتاعك مش راجل
وقالت اخرى على سبيل التهكم:انا دورت كويس في الأوردر بتاعك وعرفت انك طالبه كلوت ممكن بقى يا هانم تشرحيلي ناويه تلبسيه فين بالظبط؟
وردت عليها صديقتها قائلة: لو قالت له هنزل بيه مكنش هيسلمه تقريبا
الغريب أن رواد السوشيال ميديا تجاهلوا موقف السيدة صاحبة الأوردر نفسها، رغم أن الحكاية بدأت من عندها وكانت سعيدة للغاية بسلوك مندوب الشحن، قالت رانية صاحبة الواقعة التي تضع صورة فتاة منتقبة على البروقايل الخاص بها:
من فترة طلبت حاجة اونلاين، حاجة تخص لبس البيت بس ممكن تتلبس بره البيت وتكون غير شرعية، المندوب اتصل بيا عشان يعرف العنوان ولما لقى الشرح يطول اداني زميلته تكلمني،
البنت زميلة المندوب سألتني ح تلبسي الحاجة دي بره البيت ولا جوا البيت، اصل المندوب بيرفض يوصل اي حاجة غير شرعية، وأبدت السيدة مرونة شديدة مع البنت وكأنها سعيدة بمندوب الشحن الذي يرفض توصيل ملابس غير شرعية
وعلقت إحدى الفتيات قائلة: الواد فتح الاوردر بتاعها إللي فيه ملابس بتقول إنها للبيت وقالها هتلبسيه شرعي جوا البيت وإلا لا وهي فرحانة آوي ب تدينه وإنه خايف عليها و بتعمله دعاية
يا مجانيين
وقال أحدهم المندوب بيغير عليها اكتر من جوزها وفرحانة أنه شاف ملابسها الداخلية ولا الخارجية !
