“مرام علي” و”باميلا كيك” ضحايا “رامز جاب من الأخر” في الحلقة السادسة

استضاف رامز جلال في برنامجه “رامز جاب من الأخر” اليوم السبت الفنانة السورية مرام على ،واللبنانية باميلا الكيك، وذلك في الحلقة السادسة الذي يذاع على شاشة mbc مصر، ضمن برامج رمضان 2024.

ومازح رامز جلال، الفنانة مرام علي قائلا: “انتي غنية إيه اللبس اللي لبساه ده” لترد عليه الفنانة مرام: لبس غالي علي فكرة

وتابع: ” أنتي فعلا رفضتي 1000 عريس يا مرام عملتيها ازاي دي”

ووجه رامز الحديث للفنانة مرام علي والفنانة باميلا كيك مازحا: “مرام جايه إنهارده عاملة شعرها زي الساحرة  الشريرة، وباميلا جيه تهزر هنا، الاتنين كلهم أنوثة بس احنا هنشوف هنعمل فيهم إيه أنهارده”.

وسخر رامز جلال، من إسم باميلا الكيك، قائلا:”هو بابا حلواني؟” لتجيب الفنانة اللبنانية:”مش عارفة وبيسموني فانيلا كيك”.وبسؤالها عن حقيقة طلبها مليون دولار للمشاركة في مسلسل كريستال، علقت:”طلبت رقم كبير وخلاص”.

وهدد رامز جلال، كلا من مرام علي وباميلا الكيك، بتعذيبهم قائلا:”بيعملوا مسلسلات بتسخن الرجالة علي ستاتها وزودوا الطلاق في الوطن العربي، وعلشان كده حايبينكم في الغرفة السودة وليلتكم هتبقى سودة، طلع الوحش نيوتن عليهم”.

وانهارت الفنانة مرام علي وأجهشت في البكاء بعد تعرضها للإصابة ووقوعها على الأرض بشكل مفاجيء بسبب المقلب.

ونشر “رامز” صورة من كواليس الحلقة بصحبتهما عبر حسابه الرسمي علي “انستجرام” وعلق: “مع الصاروخين اللي مش عارفين نزلوا علينا منين”.