الزمالك بدون مرتضى.. ” منصور”
اتخذت قراري بالرحيل عن الزمالك وأنا خارج المشهد، وسوف أعود مشجع درجة ثالثة.. أدخلت هذه الكلمات التي خرجت من لسان المستشار مرتضى منصور رئيس نادي الزمالك المعزول،
السرور على جمهور القلعة البيضاء الذين طالب من قبل كثيرا بضروة مغادرة مرتضى وأبناءه لنادي الزمالك بعد النتائج المخيبة للآمال في كافة البطولات،
حيث تعالت الأصوات برحيل مرتضى بعد هذه النتائج ومقارنتها باللجنة المؤقتة التي حققت بطولات كثيرة.
الزمالك بدون مرتضى.. ” منصور”
كان جمهور الزمالك غاضب من كثرة المشاكل داخل وخارج النادي، والتي أثرت بالسلب على أداء اللاعبين في الرياضات المختلفة.
وقال مرتضى منصور في خطاب التنحي:” وبقول لممدوح عباس الخناقة بيني وبينك خلاص انتهت، أنا ماشي وأمير مشي من شهرين وهيسلم العقود للشخص الذى سيتسلم القيادة، أنا
جيت النهاردة أشوف مديونية الزمالك عند اتحاد الكرة، وطلعت ٦٣ مليون جنيه،
الزمالك بدون مرتضى.. ” منصور”
فجينا نقيد القايمة الأولى اللي بتبدء بمحمد عواد ، القيد واقف بسبب سبورتنج لشبونة حوالي ١.٤ مليون دولار ،
وعندنا أتشيمبونج برضو مبلغ كبير”.
وواصل:”انا طبعا حاولت مع اتحاد الكرة، عشان أسجل الولاد وعرفت اتصرف في ٣٠ مليون،
اللي بيقول بقا فين فلوس أمام عاشور ، اي واحد بس هيقول اني خدت عموله انا وولادي ،
هقدم طلب للمدير المالي بالزمالك اني عاوز التبرع بتاعي اللي عامل حوالي ٣٠ مليون جنيه ،
مش معقول نبقى احنا اللي بندي للنادي ويتقال كمان انتوا بتاخدوا”.
واستكمل” جمعت ٨٠ مليون عشان الفرق الرياضية والمرتبات ومرتب المدير الفني ،
بلاش حد يتكلم في الذمة المالية ، محدش عندنا بياخد احنا اللي بندفع،
لو سألت المدير الرياضي أحمد عبد الدايم هيقولكوا أحمد وأمير بيدفعوا ايه،
المهم عشان نختصر انا اتصرفت وقبضت الموظفين واتصرفت كمان في ٢٠ مليون عشان نقبض المدير الفني . ”
وتابع مرتضى:”جماهير الزمالك من حقها تفرح ،
وعشان تفرح لازم يبقى فيه بطولات وعشان يبقى فيه بطولات لازم لعيبه هما مش فارق معاهم ممدوح عباس ومرتضى ،
انا خدت قرار وبقول لممدوح عباس قصاد مصر كلها ، الخناقه بيني وبينك خلاص،
أنا مشيت خلاص وهرجع مشجع درجة تالتة،
وأمير مرتضى مشي من شهرين ورافض يرجع وهيسلم العقود لاي حد يبقى مسئول عنهم” .
ووصل:”أحمد بيخلص أحسن لعيب في مصر خلاص ولو عاوز يكمل أو ميكملش ده قراره انا ولادي عندهم شخصية ،
انا بقوله قصاد مصر كلها انا خارج المشهد ، ارفع الحجز عن الأرصده”.
وأوضح:”أنا سايب النادي فيه ٢١ مليون جنيه، ابعتوا جزء لاتشيمبونج وجزء للمدير الفني .
أنا سايب النادي ومتنازلتش عن دولار واحد من الغرامة، واخر معاد بكره ولو مدفعش هيتوقف ،
هيدفع هيبقى فيه فلوس كتيره تفك أزمه ماليه وندفع مرتبات اللعيبة،
و الانتخابات هتتفتح يوم ٣١ أكتوبر واللي بيحب النادي ينزل الانتخابات ،
بشوف النادي بينهار دلوقت، أنا خلاص مشيت ياعم فك الحجز بقا ،
أنا صعقت بكم المبالغ الي على الزمالك علشان أقيد القايمة الأولية،
أنا خارج المشهد من بعد ماتش بكره ،
وبعد الماتش أنا مسافر، لو بتحب النادي وبتحب الكيان أرفع الحجز عن الزمالك”.
