عمر كمال ينتقد حسن شاكوش: «إحنا كده بنتعامل بميت وش»
انتقد المطرب عمر كمال ، طريقة حديث زميله مطرب المهرجانات حسن شاكوش عنه في وسائل الإعلام، قائلا: “المشكلة بيني وبين شاكوش مش مادية ولكن مشكلة أدبية، وأنا مش بحب “شغل الصفار” وإحنا كده بنتعامل بميت وش، إحنا بشكل عام بنتكلم لكن اللي في القلب في القلب وده شغل نفاق”.
وأقر عمر كمال ، في لقاء ببرنامج ” شيخ الحارة والجريئة ” مع المخرجة إيناس الدغيدي، بأن ” حسن شاكوش لم يأخذ حقوقه في أغنية بنت الجيران، وأنهما اتفقا من البداية على عدم حصوله على حقوق مادية وبالفعل لم يحصل هو كشريك في الأغنية على أجر، في حين حصل شاكوش على بعض حقوقه المادية”.
ورد عمر كمال ، على تصريحات حسان شاكوش التي قال فيها: إنه “صاحب نجاح عمر كمال كمطرب”، قائلا: “هو بيسعرني، وأجرى زاد بتعبي ومجهودي، واللي زودنا ربنا وقسم لي رزقي، وأنا إنسان شبعان.. وأنا كنت بتكلم في حقي الأدبي.. وأنا قعدت فترة مش موجود وكان حسن اللي متصدر للمشهد ولما نزلت بعد شهر، ونص لقيت الإعلام مترسخ عنده أن بنت الجيران بتاعت حسن شاكوش وطالبت بحقي الأدبي فقط”.
وتابع: ” حسن شاكوش كلمني بعد حلقة شيخ الحارة اللي ظهر فيها واعتذر لي بس أنت متشتمنيش في شارع وتصالحني في حارة”.
